Arminfo-n տեղեկացնում է ...

ԱրմԻնֆո: Հայաստանի Բնապահպանության նախարարության և Գյուղատնտեսության նախարարության միջև ստորագրվել է փաստաթուղթ Լոռու մարզի Թեղուտի պղնձամոլիբդենային հանքավայրում անտառահատման ընթացքին հետևելու և անտառի վերականգնման աշխատանքների մասին: Այդ մասին ԱրմԻնֆո-ի թղթակցին հաղորդել է բնապահպանության նախարար Արամ Հարությունյանը:ՙԷկոլուր՚ հասարակական-տեղեկատվական կազմակերպության դիտարկման համաձայն, Թեղուտի հանքավայրից 200 հազար մատղաշ տնկի տեղափոխվել է տնկարան: Սակայն ոչ նախարարը, ոչ ՙԷկոլուրը՚ չեն հաղորդել, թե հատկապես որտեղ է այդ տնկարանը: Հայտնի է միայն, որ կտրված մեծ ծառերը փոխադրվել են Ալավերդի, իսկ թե հատկապես ուր` չի հաղորդվում: Միևնույն ժամանակ, նախարարի ասելով, Թեղուտի ծրագիրն անցել է բոլոր էկոլոգիական պարամետրերը: Գործը մնում է ստանձնած պարտավորությունների կատարմանը:Թեղուտի պղնձամոլիբդենային հանքավայրի մշակումն սկսվել է առանց Լալվարի անտառտնտեսության հավանական վնասի վերաբերյալ ՙՀայանտառ՚ ՓԲԸ եզրակացության: Էկոլոգիական փորձաքննությունն անցկացրել է Բնապահպանությաննախարարությունը` առանց Գյուղատնտեսության նախարարության հարցման, որի ենթակայության տակ է ՙՀայանտառը՚: Մինչդեռ փորձագետների գնահատմամբ հանքավայրի մշակման համար Թեղուտի անտառի 357 հա տարածքում կհատվի 50 հազար խմ ծառ: Անտառին փոխհատուցումը կհաշվարկվի ելնելով ոչ թե հեկտարներից, այլ` հատվող ծառերի թվից: Այսօրվա դրությամբ շարունակվում է անտառահատումը և երկու գյուղերի համայնքներին պատկանող հողերի յուրացումը: ACP ընկերության ծանր տեխնիկան ակտիվորեն աշխատում է Թեղուտի ապագա հանքամնացուկների պահեստարանի տեղամասում: Էկոլոգները պնդում են, որ բաց հանքի տեխնոգեն թափոնները կարտանետվեն մերձակա Շնող գետակը: Ընկերությունը մտադիր է նաև փոխել Թեղուտ գետի հունը:

ԱրմԻնֆո: Լոռու մարզի Թեղուտի պղնձամոլիբդենային հանքավայրի յուրացման դիմաց Armenian Copper Progamme (ACP) ընկերությունն առաջարկում է 1 քմ դիմաց 35 դրամ ծիծաղելի փոխհատուցում: Թեղուտ այցելած էկոլոգիական կազմակերպությունների խմբին այդ մասին պատմել են Թեղուտ և Շնող գյուղերի բնակիչները:Մինչդեռ, ըստ նախնական տվյալների, Թեղուտի հանքավայրի պաշարները կազմում են 500 մլն տոննա պղնձամոլիբդենային հանքաքար, թեև, մասնագետների կարծիքով, բոլոր հիմքերը կան ենթադրելու, որ դրանք այստեղ զգալիորեն ավելի են: Հաշվի առնելով այն հանգամանքը, որ համաշխարհային շուկայում 1 տ պղնձի գինը կազմում է շուրջ 9500 դոլար, իսկ 1 կգ մոլիբդենինը` շուրջ 85 դոլար, ապա պղնձի և մոլիբդենի համաշխարհային շուկայում առկա գներով ընկերության եկամուտները կգերազանցեն մի քանի միլիարդ դոլարը: Գյուղերի բնակիչների մեծ մասը բողոքում է չնչին փոխհատուցման դեմ և հայտարարում, որ ACP-ն ավելի վաղ խոստացել էր փոխհատուցել այդ տարածաշրջանի հողերի համարժեք շուկայական արժեքը: Նրանց ձայնը ոչ ոք չի լսում, և գյուղացիների արդար փոխհատուցման իրավունքը, իրենց իսկ խոստովանությամբ, ոչ ոք, միևնույն է, չի կարող պաշտպանել