EcoLurRoundTable

Հարգարժան գործընկերներ,
հրավիրում ենք Ձեզ մասնակցելու նոյեմբերի 11--ին՝ ժամը 15:00-ին, Երեւանի Օրհուսի կենտրոնում (Չարենցի 46, 1-ին հարկ) կայանալիք «Էկոլոգիական տեղեկատվության ազատությունը եվ ազգային անվտանգությունը» թեմայով կլոր սեղանին: Մանրամասները կցված են նամակին:

Հարգանքներով՝
«ԷկոԼուր» տեղեկատվական HK

Նոր հանքավայր Հրազդանում. Վարդան Այվազյանի երազանքն իրականանում է

Բնապահպանության նախկին նախարար, այժմ ԱԺ տնտեսական հարցերի մշտական հանձնաժողովի նախագահ Վարդան Այվազյանն ամիսներ առաջ հեռուստաընկերություններից մեկին տված հարցազրույցում ասաց, որ երազում է Հայաստանում երկաթի արտադրության մասին:

Նա դեռեւս բնապահպանության նախարար եղած ժամանակ պատրաստվում էր դրան` ինքն իրեն տալով հանքավայրի ուսումնասիրության լիցենզիա եւ գործնական քայլեր ձեռնարկելով իր երազանքին ընդառաջ:

Անցած տարի Առեւտրի եւ տնտեսական զարգացման նախարարությունը Այվազյանների ընտանիքին պատկանող «Նագին» ՍՊԸ-ին տվեց հանքարդյունահանման հատուկ լիցենզիա: Կոտայքի մարզի Հրազդան քաղաքից 1,5 կմ հյուսիս-արեւելք ընկած հատվածում 70265,55 հազար տոննա /19303,72 հազ մ խորանարդ/ ծավալով օգտակար հանածոյի պաշար է տրամադրվել «Նագին» ՍՊԸ-ին` 25 տարով: Հիշեցնենք, որ «Նագին» ՍՊԸ-ն գրանցված է Վ. Այվազյանի կնոջ եւ տղայի անուններով (մանրամասն տես` Վարդան Այվազյանի բիզնես նախագիծը):

Հրազդանի երկաթաքարի հանքավայրի շահագործումը նախատեսված է բաց եղանակով: Հանքավայրի շահագործումից առաջ այն, ինչպես օրենքն է պահանջում, պետք է անցնի արտադրական վտանգավոր օբյեկտի նախագծային փաստաթղթերի տեխնիկական փորձաքննություն: Այս տարվա սեպտեմբերի 16-ին փորձագիտական խումբը, ուսումնասիրելով «Նագին» ՍՊԸ-ի փաստաթղթերը, տվել է դրական եզրակացություն:

Շրջակա միջավայրի վրա ազդեցության փորձաքննությունն իրականացրել է «Լեռնամետալուրգիայի ինստիտուտ» ՓԲԸ-ն: «Նագին» ՍՊԸ-ի «Հրազդանի երկաթաքարի հանքավայրի» շահագործման աշխատանքային նախագծի վերաբերյալ Լեռնամետալուրգիայի ինստիտուտն այս տարվա հոկտեմբերի 13-ին նույնպես տվել է դրական եզրակացություն:

Նշենք, որ հանքավայրից 500 մ հեռավորության վրա գտնվում է Հրազդան գետը` իր Ծաղկաձոր եւ Մարմարիկ վտակներով:

Այս նախագիծն առայժմ գաղտնի է, բնապահպանները դեռեւս չգիտեն դրա մասին, հրազդանցիները` նույպես, թեեւ օրենքը նախատեսում է հանրային լսումների կազմակերպում:

Ծանոթանալով Լեռնամետալուրգիայի ինստիտուտի տված «Շրջակա միջավայրի վրա ազդեցության փորձաքննության եզրակացությանը»` պարզ է դառնում, որ այն հենց այնպես գրված փաստաթուղթ է: Միանգամից զգացվում է, որ սա փոխհատուցում է նախկինում նախարարի մատուցած ծառայությունների. չմոռանանք, որ այս ինստիտուտը պատկանում է «Վալեքս Գրուպ»-ին, այսինքն` Վալերի Մեջլումյանին: Հենց նրա սեփականություն հանդիսացող «Էյ-սի-փի» ընկերությանն է թույլ տրված ինչ-որ վճարների դիմաց Ալավերդու մթնոլորտ նետել աննկարագելի չափերի արտանետումներ, ինչպես նաեւ` շահագործել Թեղուտի հանքավայրը:

Բնապահպանական խնդիրներին այս եզրակացության մեջ նվիրված է մի քանի պարբերություն: Ահա դրանցից մեկը. «Մթնոլորտ արտանետվող վնասակար նյութի տարեկան ընդհանուր քանակը կկազմի 1448,5 տոննա, որից փոշու արտանետումները կազմում են 27 տոկոս, իսկ մեքենաների եւ մեխանիզմներինը` 65 տոկոս»: Թե ի՞նչ է լինելու մնացած 8 տոկոսը, փաստաթղթից պարզ չէ:

Լեռնամետալուրգիայի ինստիտուտը եզրակացության մեջ գրում է. «Ըստ դաշտային ուսումնասիրությունների արդյունքի, այս տարածքի բուսականությունը ներկայացված է շրջանին բնորոշ տիպիկ ֆիտոցենոզներով, բացակայում են հազվագյուտ, անհետացող եւ էնդեմիկ տեսակներ, բացի 3-րդ կարգավիճակ ունեցող (տարածման վայրը կրճատվում է) քիչ քանակի 10-15 բույսեր, Կակաչ արեւելյան տեսակի: Իսկ ըստ տարածքի ֆաունիստիկական ուսումնասիրությունների արդյունքի, դիտարկված կենդանիների տեսակները պատկանում են լեռնատափաստանային գոտուն բնորոշ տեսակների թվին եւ լայնորեն տարածված են հանրապետությունում: ՀՀ Կարմիր գրքում գրանցված, էնդեմիկ տեսակներ չեն հայտնաբերվել»:

Բերենք միայն մեկ փաստ, որ Հրազդանում գործում է արդյունաբերական մեկ այլ հսկա` Հրազդանի ցեմենտի գործարանը, որը մթնոլորտ է արտանետում հսկայական ծավալի փոշի: Իսկ Հրազդանը մի քանի կմ է հեռու Ծաղկաձորից, Հանքավանից, Աղվերանից, որոնք արդեն դարձել են տուրիստական կենտրոններ եւ ունեն զարգացման հեռանկարներ:

Բնապահպանության նախարարության Շրջակա միջավայրի ներգործության մոնիտորինգի տվյալներով` Հրազդան քաղաքի փոշու թույլատրելի նորմը 3 անգամ ավելի է: Իսկ տարվա ընթացքում եղել են ամիսներ, որ այն գերազանցել է 5,8 անգամ: Մեկ տարի առաջ մեր հացումներին, թե ինչ բնապահպանական ծրագրեր է նախատեսում իրականացնել գործարանը, չպատասխանեցին ո՛չ գործարանի ղեկավարությունը, ո՛չ էլ Բնապահպանության նախարարությունը: Հրազդանում տիրող էկոլոգիական աղետալի վիճակը իր հոդվածում մանրամասն ներկայացրել է «Հրազդան» թերթի խմբագիր Մնացական Հարությունյանը (տես հոդվածը):

Բոլոր դեպքերում, նման տիպի հանքավայր շահագործելու համար Վարդան Այվազյանին անհրաժեշտ է լինելու տասնյակ միլիոնավոր դոլարների ներդրում: Նախկին նախարար, ներկայիս պատգամավոր Այվազյանը ստիպված է լինելու բացատրություններ տալ ներդրվելիք գումարների ծագման մասին:

http://hetq.am/arm/economy/8537/

Սյունիքի մարզ է վերադարձել ուրանի ուրվականը

Լեռնաձոր գյուղի բնակիչները, իմանալով, որ շուտով իրենց գյուղում նորից ուրան են փնտրելու, խուճապի են մատնվել` վերհիշելով, թե ինչպես մոտ 40 տարի առաջ գյուղ եկան ռուս երկրաբաններ եւ իրենց բնակավայրի մոտակայքում հայտնաբերեցին ուրանի հանք:

Ի՞նչ պատահեց հետո, եւ ինչո՞ւ 70-ական թթ. դադարեցվեցին ուրանի որոնումները, գյուղի բնակիչների եւ նույնիսկ Խորհրդային Հայաստանի ղեկավարների համար մնաց գաղտնիք: Հանքի մասին բոլոր տեղեկությունները փակվեցին Մոսկվայի արխիվներում:

Երբ այս տարվա փետրվարին ՀՀ բնապահպանության նախարարության եւ ՌԴ «Ռոսատոմ» ատոմային էներգիայի գործակալության միջեւ ստորագրվեց հուշագիր Հայաստանում ուրանի հանքավայրերի երկրաբանական հետախուզման, արդյունահանման եւ վերամշակման ոլորտում համագործակցության մասին, Լեռնաձորում հառնեցին ուրանի հանքի հետ կապված ու արդեն մոռացված պատմությունները:

75-ամյա լեռնաձորցի Ալեքսեյ Հակոբյանը հիշում է այն տարին, երբ գյուղ եկան ռուս երկրաբանները: Նրա հիշողությունները շատ լավ են արտացոլում այն տարիների գաղտնիության մթնոլորտը:

«Մենք բան չիմացանք: Հիշում եմ, որ երբ ռուսները բացեցին հանքը, նրանցից մեկ կամ մի քանի հոգի մահացավ: Դրանից հետո հանքի փոսի մեջ մի գիշերում բետոն լցրեցին, մահացածներին տարան Մոսկվա, ու ամեն ինչ վերջացավ»,- պատմում է նա:

Այս պատմության բազմաթիվ պատումներն էլ սարսափ են ներշնչում բնակիչներին այն ամենի հետ կապված, ինչ վերաբերում է ուրանին: Իհարկե, ոչ մեկը ստույգ չգիտի, թե ի՞նչ էր իրականում պատահել, եւ ինչի՞ց են մարդիկ մահացել:

Սյունիքում ուրանի հանքի պատմության մեջ լույս սփռեց «Ռոսատոմ» գործակալության ղեկավար Սերգեյ Կիրիենկոն: Հուշագրի ստորագրման ժամանակ նա հայտարարեց, որ 70-ական թթ. մոսկովյան արշավախումբը հայտնաբերել էր մոտ 30.000 տոննա ուրան: Այդ ծավալի պաշարը համարվում է միջին մեծության հանք:

Մի քանի ամիս անց` ապրլին, ՀՀ բնապահպանության նախարարության եւ Ռուսաստանի «Ատոմռեդմեդզոլոտո» ԲԲԸ-ի միջեւ կնքվեց պայմանագիր Հայաստանում ուրանի հանքավայրերի ուսումնասիրության եւ շահագործման աշխատանքների կատարման համար համատեղ ձեռնարկություն հիմնելու մասին:

Այդ ժամանակ էլ Բնապահպանության նախարար Արամ Հարությունյանը հայտարարել էր, որ հետախուզական աշխատանքները կսկսվեն այս տարվա սեպտեմբերին, սակայն մինչեւ հիմա տեղանքի հետազոտում Լեռնաձորում չի սկսվել:

Լեռնաձորի համայնքապետ Ստեփան Պետրոսյանի տունը գտնվում է ուրանի հանքից մի քանի մետր հեռավորության վրա: Նա նոր տուն է կառուցում եւ, ամեն անգամ ԶԼՄ- ներով լսելով իր համայնքի հետ կապված միջկառավարական պայմանագրերի ու հուշագրերի ստորագրման մասին, մեղմ ասած, շփոթության մեջ է հայտնվում:

«Պաշտոնապես ինձ ոչինչ չեն հայտնել, մինչդեռ ուսումնասիրման տեղանքը ներառում է Լեռնաձոր, Փուխրուտ եւ Կաթնառատ գյուղերը, որոնց հողերը պատկանում են Լեռնաձոր համայնքին: Մինչեւ հիմա ոչ մի հետազոտող չի եկել եւ չի ուսումնասիրել»,- ասում է համայնքապետը:

Գյուղի բնակիչներն ու բնապահպանները դեմ են ուրանի հանքի շահագործմանը: Առաջինները վախենում են ուրանից` ցանկացած վիճակում, երկրորդները դեմ են առհասարակ եւս մեկ հանքի բացմանը մի մարզում, որտեղ արդեն իսկ գտնվում են Հայաստանի հանքարդյունաբերության ամենախոշոր օջախները (Քաջարան, Կապան, Ագարակ) ու ամենամեծ պոչամբարները (Արծվանիկ, Ողջի, Դարազամի, Գեղանուշ):

Ուրանի ծրագրի նախաձեռնողները հանքի շահագործման նպատակահարմարությունը պայմանավորում են տնտեսական շահերով: 2006 թ. միջազգային շուկայում 1 կգ ուրանն արժեր 36 ԱՄՆ դոլար, այս տարվա հունվարի տվյալներով՝ այն բարձրացել է մինչեւ 86 ԱՄՆ դոլար 1 կգ-ի համար:

Միջազգային շուկայում գների աճը պայմանավորված է այն հանգամանքով, որ աշխարհում փոխվում են ատոմային էներգիայի վերաբերյալ մոտեցումները: Նույնիսկ էներգակիրներով հարուստ Իրանն ու Միացյալ Արաբական Էմիրությունները զարգացնում են ատոմային էներգիա ստանալու ծրագրերը: Ատոմային կայան կառուցելու մտադրություն է հայտնել նաեւ Ադրբեջանը, որն արդեն իսկ մտածում է էներգիայի ապահովման մասին, երբ երկրում կպակասեն գազի ու նավթի պաշարները: Հայաստանի ատոմակայանը կաշխատի մինչեւ 2016 թ., իսկ նորն ավելի շատ ռեսուրսներ կպահանջի, որպեսզի կարողանա ապահովել Հայաստանում էներգիայի մեծացող պահանջարկը (2025 թ. Հայաստանում էներգիայի պահանջարկը, Էներգետիկայի եւ բնական պաշարների նախարարության տվյալներով, կկազմի մոտ 10 մլրդ կվտ մեկ ժամում):

Ուրանի ծրագրի ռուսական եւ հայկական կողմերը պնդում են, որ ժամանակակից տեխնոլոգիաների կիրառման դեպքում էկոլոգիական վնասը նվազագույն է:

Ըստ մասնագետների կանխատեսումներիգ՝ուրանի պաշարները Հայաստանում տատանվում են 10-60 հազար տոննայի սահմաններում:

ՀՀ ԳԱԱ ակադեմիկոս Սերգեյ Գրիգորյանն ուրանի թաքնված հանքավայրերի որոնման եւ կիրառման երկու հայտնագործությունների հեղինակ է: Նա ասում է, որ ուրանը հետազոտության փուլում վտանգավոր չէ, այն սկսում է ճառագայթել միայն հարստացումից հետո:

Իսկ պաշտոնական աղբյուրները բազմիցս հայտարարել են, որ ուրանի հարստացում Հայաստանում չի կատարվի. հայկական կողմն արդեն պատրաստակամություն է հայտնել արդյունահանված ուրանը հարստացնել Ղազախստանի եւ Ռուսաստանի կողմից Անգարսկում 2007թ. հիմնադրված ատոմային կենտրոնում:

http://hetq.am/arm/ecology/8530/

Мировой финансовый кризис способен остановить уничтожение Техутских лесов

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
АрмИнфо. Среди всех негативных последствий мирового финансового
кризиса для Армении есть лишь одна светлая точка - думаю, нам удастся
спасти Техут и новое месторождение так и не будет введено в
эксплуатацию. Такое мнение, комментируя представленный в парламент
проект бюджета Армении на 2009 год, выразил корреспонденту АрмИнфо
руководитель парламентской фракции оппозиционной партии <Наследие>
Армен Мартиросян.

<Не думаю, что мы понесем большие убытки, так как даже в случае
эксплуатации Техута ежегодные поступления в госбюджет в виде налогов
не превысят 10 млн. долларов. Однако, наша ошибка также в том, что мы
не пытаемся получить окончательный продукт, продавая лишь практически
необработанную руду, так как обогащение руды у нас облагается НДС, и
создается парадоксальная ситуация, когда руду в виде концентрата нам
выгоднее вывозить для обработки за рубеж, чем перерабатывать ее на
месте. В этом контексте в прошлом году доля горнорудной промышленности
в общем 12% объеме роста промпроизводства составила всего 11%>, -
отметил он. По мнению депутата, бюджет Армении не так сильно будет
зависеть от экспорта руды и другого сырья, как некоторым это кажется,
так как цены на него сильно упали и продолжают падать. <Я усматриваю
проблему в другом - цены падают, соответственно будут падать и объемы
производства, а это неизбежно повлечет к сокращению рабочих мест. По
моей информации это уже произошло на некоторых предприятиях, в том
числе и на заводе в Алаверди>, - резюмировал депутат.

На территории Техута разрабатывается месторождение, право на
эксплуатацию которого принадлежит медеплавильной компании Armenian
Copper Programme. Реализация программы эксплуатации Техутского
месторождения предполагает вырубку около 58 тысяч кубометров леса на
территории в 357 гектаров, причем на первом этапе, в течение 12 лет,
планируется вырубить 25 тыс. кубометров леса на территории в 157
гектаров. Длительная схватка между экологическими организациями и
правительством вокруг Техута завершилась победой последнего.

Հանքագործները ոտքի են կանգնել

Անցյալ շաբաթ Ագարակում տեղի ունեցած բողոքի ակցիան այլ կերպ, քան սոցիալական հուժկու բունտ անվանելն անհնար է: Ագարակի պղնձամոլիբդենային կոմբինատի մուտքի առջեւ հավաքված հարյուրավոր աշխատողներ արտահայտեցին իրենց դժգոհությունները՝ կապված ձեռնարկության ղեկավարի աշխատաոճի, տնտեսական ճգնաժամով բացատրվող նրա որոշումների հետ:

Մասնավորապես խոսքը վերաբերում է նրան, որ Սոթքի ապաշնորհ «շահագործման» կապակցությամբ հայտնի դարձած «Գիեպրո մայնինգ» ընկերության ներկայացուցիչ, Ագարակի կոմբինատի գլխավոր տնօրեն Գեորգի Դեւաձեն մտադիր էր ժամանակավոր պարապուրդի ուղարկել 300 աշխատողների, իսկ թոշակառուի տարիքի հասած 50 հոգու՝ կրճատել: Ագարակում կրճատումների առնչությամբ անհանգստություններ կային ամիսներ առաջ, երբ դեռ տնտեսական ճգնաժամ չկար եւ երբ արդեն աշխատողները հասկացան, որ այս ձեռնարկության գլխավոր տնօրենին անհանգստացնողը ոչ թե կոմբինատի աշխատանքն է, այլ բարձրակարգ հյուրանոցներում ապրելը, կոմբինատի հաշվին գործուղումները, բանվորների աշխատանքային պայմաններին առնչվող ֆինանսական պայմանների նվազեցումը, նաեւ աշխատավարձերի կրճատումները:

Ագարակի կոմբինատի աշխատողները սիրով են հիշում նախկին սեփականատիրոջը՝ տարեց մի մարդու, Մասլով ազգանունով: Կոմբինատի աշխատակիցները նրան մինչեւ հիմա անվանում են «Պապիկ»: Պատմում են, որ այս մարդը աշխատանքի գնալիս, կոմբինատի աշխատողներին անգամ իր ավտոմեքենայով էր տանում աշխատանքի: Ճիշտ է, Մասլովի օրոք էլ կային բավականին սուր խնդիրներ, մասնավորապես կապված աշխատողների առողջության, աշխատանքային պայմանների ապահովման հետ: Բայց, ինչպես ասում են կոմբինատի աշխատողները, «Պապիկը» թե— բոլոր հարցերը բացարձակապես չէր կարգավորում, բայց գոնե լսում էր բանվորներին, ուներ մարդկային վերաբերմունք:

Իսկ ներկայիս տնօրենը, երիտասարդ Դեւաձեն, ըստ բանվորների, անգամ բարեւ չի տվել մի աշխատողի: Փոխարենը մսխել է կոմբինատի շրջանառու միջոցները, գնել մեկ տասնյակի հասնող թանկարժեք ու շքեղ ավտոմեքենաներ, աշխատանքի տեղավորել ու միոնավոր դոլարներով վարձատրել ձեռքները գրպաններում դրած ու շվշվացնող իր ընկերներին, բարեկամներին, ընկերուհիներին: «Կոմբինատի փողերը մսխող մի 20 վրացի լակոտներ Երեւանում իրենց կանանց բանկետը կազմակերպելու համար կոմբինատից դուրս են գրում միլիոններ: Մենք ներսում ենք աշխատում, ամեն ինչից էլ տեղյակ ենք: Կան ամուսիններ, որ ոչ մի բան չեն անում, ընդամենը Գեորգիի մոտիկներն են, մեկուկես միլիոն ամուսինն ա ստանում, մի միլիոն, 300 հազար դրամ էլ՝ կինը: Իսկ բանվորներ կան՝ 30 հազար դրամ են ստանում առողջության համար վտանգավոր աշխատանքի դիմաց»:

Ագարակցիների հարցադրումներն անվերջ են եւ հուզումնալից. «Մեղրին ուզում են հանձնել մեղրեցուն խեղճացնելո՞վ: Չեն կարողանալու, մենք, եթե պետք լինի, կփակենք Երեւան տանող ճանապարհը, կպաշտպանենք մեր երկիրը, ոչ մեկին չենք թողնի կպչել մեղրեցու խաթրին: Մենք մեր երկիրը պաշտպանել ենք, Նյուվադի սարում մնացել ենք ամիսներով, Մեղրին էլ կպահենք, թող վրացիների կամ Հայաստանի կառավարության մտքով չանցնի, թե մեզ կխեղճացնեն»:

Ընդհակառակը. ագարակցիները, ի դեպ, երկու օր առաջ հեռագիր էին ուղարկել Սերժ Աարգսյանին եւ Տիգրան Սարգսյանին, պահանջել են նրանց շուտափույթ այցելությունը: Տիգրան Սարգսյանը օրերս մեղմաբար ժպտալով՝ հրաժարվեց պատասխանել մեր հարցերին՝ կապված Ագարակի եւ Կապանի պղնձամոլիբդենային կոմբինատների շուրջ ստեղծված իրավիճակի հետ: Սերժ Սարգսյանի վերաբերյալ ագարակցիներն ասացին. «Երբ որ նախագահի ընտրություն էր, ասում էին՝ Սերժին չընտրեք՝ չեք աշխատի: Դե թող հիմա Սերժը գա, տեսնենք՝ մեր հարցերը կլուծի՞, թե՞ կպաշտպանի կազինոներում մեր երկրի հարստությունը մանրող Դեւաձեին»: Ագարակում արդեն երկու օր է՝ մարդիկ գնում են աշխատանքի. ղեկավար չունեն: Դեւաձեն փախավ ջղայնացած ագարակցիների ձեռքից, հիմա Երեւանում է, հանդիպում է կառավարության ներկայացուցիչների հետ: Իրենք իրենց ղեկավարում են ու սպասում, թե ինչ կորոշի Հայաստանի կառավարությունը, որը ժամանակին անհեռատես որոշմամբ կոմբինատը տվեց վրացիների ձեռքը: Իսկ Կապանի կոմբինատի սեփականատերերը, ինչպես հայտնի է, անգլիացիներ են: Նրանք էլ են կոմբինատն աշխատեցնում վրացիների ոճով: Կապանը երեկ վարակվեց իր իրավունքները պաշտպանելու մղումով: Այստեղ նույնպես հասունանում է բողոքի ակցիաների պահը: Երեկ կոմբինատի տնօրեն Ռոբերտ Ֆալետան, որը նոր էր վերադարձել Երեւանից եւ վարչապետի հետ քննարկել է տնտեսական ճգնաժամին վերաբերող հարցերը, ժողով է արել եւ տեղեկացրել, թե պետք է կրճատվեն բանվորների 60 տոկոսը, աշխատավարձերը կնվազեն 40 տոկոսով: Այս ձեռնարկության ղեկավարները նախքան տնտեսական ճգնաժամը հայտարարում էին, թե միջին աշխատավարձը 250 հազար դրամ է, բանվորները, սակայն, ստանում են միջինը 70 հազար դրամ: Եւ վերջին «զարգացումների» հետեւանքով, փաստորեն, առողջության համար խիստ վտանգավոր աշխատանքի դիմաց, մարդիկ պետք է ստանան 30 հազար դրամ: Եթե, իհարկե, չպայքարեն, չպաշտպանեն իրենց իրավունքները, ոտքի չկանգնեն հանուն սոցիալական արդարության եւ կառավարությունից չպահանջեն չեղյալ հայտարարել չնչին գումարներով օտարների ձեռքը հանձնած կոմբինատներն ու ստեղծել նոր աշխատատեղեր՝ էկոլոգիական վնասներ չհասցնելու պայմանով:

Biking On Sunday~

~Where To Go~

***

Name : Ushi /Ashtarak/

Distance : 30 km {one way}

Starting Point: Hamalir

Starting Time:9:00

Date:November 9

***
Purpose: It is a extraordinary charity event: day of Centaur, day of harmony of Human being with Horse and Nature.

Վարչապետը պաշտոնյաներին գործուղում է Սյունիք

Քիչ առաջ հայտնի դարձավ, որ ՀՀ վարչապետ Տիգրան Սարգսյանը նոյեմբերի 7-ին որոշում է ստորագրել, որով ՀՀ էներգետիկայի ու բնական պաշարների, աշխատանքի ու սոցիալական հարցերի, էկոնոմիկայի նախարարներին նոյեմբերի 10-ին գործուղում է Կապան, Քաջարան, Ագարակ` լեռնահանքային արդյունաբերությունում ստեղծված իրավիճակին ծանոթանալու նպատակով: “Լեռնահանքային արդյունաբերությունում ստեղծված իրավիճակն ու առկա խնդիրներն արձանագրելու նպատակով հանդիպել լեռնահանքային արդյունաբերության բնագավառի ձեռնարկությունների եւ արհեստակցական կազմակերպությունների ղեկավարների հետ: Գործուղումից վերադառնալուց հետո 2-օրյա ժամկետում ՀՀ վարչապետին ներկայացնել առաջարկություններ արձանագրված խնդիրների լուծման վերաբերյալ”,- ասված է վարչապետի որոշման մեջ:

Source http://today.hetq.am/economy/token-strike-kapan/
http://today.hetq.am/economy/agarak-molibden/
http://today.hetq.am/economy/prime-minister-syunik/