Գերակա հանրային շահ` հանուն էներգետիկ անվտանգության

Իրան-Հայաստան գազամուղի Քաջարան-Արարատ հատվածի կառուցման ծրագրի իրականացման նպատակով այսօրվա նիստում գործադիրը որոշել է Սյունիքի մարզի 73.8445 հեկտար, Վայոց Ձորի մարզի 45.064 հեկտար, Արարատի մարզի 20.8271 հեկտար տարբեր նպատակային նշանակության հողերը փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների հողերի կատեգորիա։ Այս մասին հայտնում է կառավարության մամլո ծառայությունը:
Աղբյուրի փոխանցմամբ` սահմանվել է նաեւ, որ գազամուղի հիշյալ հատվածի` որոշման մեջ նշված մի շարք տարածքների, քաղաքացիների եւ իրավաբանական անձի սեփականություն հանդիսացող 7.1094 հեկտար հողամասերի օտարման նպատակն է ՀՀ օրենսդրությամբ սահմանված կարգով ճանաչել բացառիկ` գերակա հանրային շահ։ Որոշումը հիմնավորվել է նրանով, որ նշված ծրագրի իրականացման շահը գերակայում է օտարվող սեփականության սեփականատերերի շահերից, քանի որ ծրագրի իրականացումը նպատակաուղղված է երկրի էներգետիկ անվտանգության մակարդակի բարձրացմանը։
Hetq.am [today news]

Ո՞վ է արդյունահանելու Լիճքվազ-Թեյի եւ Տերտերասարի ոսկին

«Թամայա Ռիսորսիզ» (Tamaya Resources) ընկերությունն այս տարվա սեպտեմբերին դադարեցրեց Լիճքվազ-Թեյի եւ Տերտերասարի ոսկու արդյունահանման նախագիծը: Ընկերության տարածած հաղորդագրությամբ նախագծի դադարեցման հիմնական պատճառը ֆինանսական խնդիրներն են: Սակայն ինչպես նշում է մեր աղբյուրներից մեկը` Թամայայի խնդիրները միայն ֆինանսական չէին:

Ընկերության նախկին աշխատակիցը, որը չուզեց հրապարակել իր անունը նշում է, որ ընկերությունը այդ վիճակում է հայտնվել տեղացի ղեկավարների «ջանքերով»: Մեր աղբյուրի հավաստմամբ` տեղի ղեկավար անձնակազմը նախատեսվածից մեծ ծախսեր է ունեցել` գնելով մեծ թվով թանկարժեք ջիպեր, գրելով բարձր աշխատավարձեր, սակայն իրականում վճարելով ավելի քիչ, ցույց տալով գործուղումային եւ այլ մեծ ծախսեր: Սա նաեւ ապացույց էր այն բանի, որ տարիներ շարունակ հանքարդյունաբերության ոլորտը դուրս էր պետական հսկողությունից: Չնայած Թամայայի դեպքում պետությունը միջամտել է, սակայն բավականին ուշացած: Երբ ընկերությունը սնանկ է ճանաչվել, տեղացի ղեկավարությունը չնչին գումարներով վաճառել է ընկերության հիմնական միջոցները` թանկարժեք մեքենաները, սարքավորումները եւ դրանք ձեռբերողների մեջ են եղել հենց իրենք, ինչպես նաեւ` Սյունիքի մարզի ղեկավարները: Մեր տեղեկություններով` կառավարությունը իմանալով այս ամենի մասին, արգելանք է դրել ընկերության բանկային հաշիվներին: Սակայն մեր մեկ այլ աղբյուրի հավաստմամբ, որը հանքարդյունաբերության ոլորտի փորձագետ է, ընկերության սնանկ ճանաչման հիմնական պատճառն այն է, որ հանքավայրի` նախապես ունեցած ուսումնասիրության տվյալները, այնքան էլ չեն համապատասխանել իրական ծավալներին եւ հանքաքարի որակին: Պարզվել է, որ Լիճքվազ-Թեյի հանքավայրում հանքաքարը հրակայուն է: Թամայան մինչեւ հանքավայրի ձեռբերումը կատարել էր նմուշարկում հիմնականում պատմական հանքաքարի նմուշներից, որոնք օքսիդացված են: Հանքավայրի ձեռքբերումից հետո, երբ Թամայան սկսեց նմուշարկել հանքային երակներից, հայտնաբերեց, որ հանքաքարը հրակայուն է: Սա նշանակում է, որ հանքաքարը չի մշակվի ավանդական «ածխածինը խյուսի մեջ լուծազատման» մեթոդով: Թամայայի բոլոր սպասելիքները հօդս ցնդեցին:Ընկերությունը պլանավորել էր Լիճքվազից ոսկին կորզել «ածխածինը խյուսի մեջ լուծազատման» մեթոդով աշխատող ֆաբրիկայի միջոցով, ինչը ձեռք էին բերել Ավստրալիայում: Բայց պարզվեց, որ դա անհնարին է, հրակայուն հանքաքարը չի մշակվում այս ձեւով:Ի՞նչ է նշանակում «ածխածինը խյուսի մեջ լուծազատումը»: Այս մեթոդով ոսկին աղացած խտանյութից զատվում է ցիանիդի լուծույթում: Հրակայուն հանքաքարը մշակելու համար սովորաբար կիրառվում է հրամետաղագործական մեթոդ, ասենք` թրծման մեթոդը: Այս մեթոդը կիրառելը շատ ծախսատար է, պահանջվում է շատ էլեկտրաէներգիա եւ մեծ է սարքավորումների ընթացիկ ծախսերը: Սակայն այս մեթոդը տնտեսապես շահավետ չի Լիճքվազի նման փոքր հանքի համար: Լիճքվազի պաշարները նախնական գնահատմամբ 600,000 ունցիա ոսկի է (մինչեւ 1 միլիոն ունցիայի հասնող պոտենցիալով): Սակայն այստեղ առաջ է գալիս երկրորդ խնդիրը: «Հանքարդյունաբերությունը ինտենսիվ բիզնես է: Դու պետք է գումար պարտք անես ծրագիր ստեղծելու, սկսելու համար: Դա անելու համար դու պետք է ունենաս բանկի կողմից ընդունելի իրականացվելիք ծրագիր` հաշվարկված հաստատված եւ հնարավոր պաշարների հիման վրա: «Սիփանը», «Այբիրիան Ռիսորսիզը»(հանքավայրի նախկին սեփականատերերը) եւ «Թամայա Ռիսորսիզը» տեղամասում երբեք հորատումների այդ մակարդակի չեն հասել` զարգացնելու իրենց պաշարների մասին ինֆորմացիան, նրանք միայն ունեցել են ռեսուրսներ եւ հենց այդ պատճառով էլ նախնական են, որոնք ամենացածր մակարդակի տվյալներ են համարվում հանքի զարգացման պլան ունենալու համար»,- ասում է հանքավայրերի գնահատմամբ զբաղվող մի փորձագետ, որը նույնպես չուզեց հրապարակել անունը, քանի որ առնչություն է ունեցել այս ընկերության հետ: Նրա հավաստմամբ` տեղամասում ոսկու տվյալների անալիզը հիմնված է եղել նախկինում ունեցած տվյալների եւ ստորգետնյա հանքից վերցված նմուշների վրա: Սա նորմալ է, եթե դու կիրառելու ես հնաոճ «ձեռքով» մեթոդը, կատարում ես փոքր ծավալի աշխատանք ուղղակի հետեւելով ոսկու երակին: «Այս մեթոդով դու այսօր կորզում ես ոսկի եւ դրա միջոցով ֆինանսավորում ես հաջորդ ամիսների աշխատանքը: Եթե դու սխալ թույլ տաս արդյունահանման ժամանակ եւ չունենաս ոսկի կամ շատ քիչ ունենաս, այդ դեպքում դու կսնանկանաս»,-ասում է փորձագետը :Թամայան պլանավորել էր օգտագործել այլ ծրագրի ֆինանսական կանխիկ միջոցները` ֆինանսավորելու հանքի զարգացման ծրագիրը: Նրանք կարիք չեն զգացել բանկի կողմից ընդունելի իրականացվելիք ծրագրի, որպեսզի բանկից փող ստանան, նրանք պլանավորել էին օգտագործել իրենց սեփական կանխիկ գումարը: Նրանք համոզված են եղել, որ եթե արդյունահանեն հանքավայրի պատմական հանքաքարի կույտերը, ապա կկորզեին բավական ոսկի` շահելու ժամանակ եւ ֆինանս: Դրանից հետո այդ միջոցներով նախատեսել էին ֆինանասավորել իրենց հորատման ծրագիրը եւ շարունակել հանքի արդյունահանումը` օգտագործելով ժամանակակից տեխնիկա: Դժբախտաբար, նրանց բոլոր սպասելիքները հօդս ցնդեցին, երբ նրանք հայտնաբերեցին, որ հանքաքարը հրակայուն է: Ընկերությունը նաեւ հասկացավ, որ հանքի զարգացման այս մեթոդը չի աշխատի Լիճքվազի համար:
Լիճքվազի ապագան
Հաշվի առնելով, որ միջազգային շուկայում ոսկու գները չեն իջել տնտեսական ճգնաժամի արդյունքում, կարելի է ենթադրել, որ հանքավայրը երկար ժամանակ չի մնա փակված: Մանավանդ եթե հաշվի առնենք, որ Սյունիքի մարզի հանքարդյունաբերության ոլորտի ձեռնարկությունների ճակատագիրը դեռ անորոշ է եւ անխուսափելի է լինելու գործազրկության մեծ բանակի առկայությունը մարզում, ապա պետությունը պարտավոր է ուշադրության կենտրոնում պահել այս հանքավայրը եւ ընկերությունը: Պետությունը միշտ էլ կարող է զրկել ընկերությաննարդյունահանման լիցենզիայից, եթե նա չի կատարում իր պարտականությունները: Բայց հարց է` կգնա կառավարությունը նման քայլի: Մեր ունեցած տվյալներով` Հայաստանի գործարարներից մեկն այն ձեռքբերելու նման հետաքրքրություն է ունի, նման ցանկություն են հայտնել նաեւ օտարերկրյա երկու ընկերություններ: «Ով էլ գնի այս հանքը կարող է մտածել, որ սովետական հին դարաշրջանը` «ձեռքով» հանքարդյունահանման, հանքաքարի ջարդման, գրավիտացիոն եղանակով ոսկու 25% կորզման միջոցով, բավականին շահավետ է, բայց այլ բաներ կան, որ պետք է իմանա գնորդը: Կանադայում մի ընկերություն օգտագործում է բիո-լուծազատման տեխնոլոգիան, որը հրակայուն հանքաքարի դեպքում ապահովում է ոսկու 90% կորզում եւ այս մեթոդը նաեւ հարմար է բնապահպանական տեսակետից: Այս ծրագիրը կարիք ունի նվազագույնը $ 3-5 մլն հորատման աշխատանքները հաստատելու եւ մանրամասնելու ռեսուրսները: Սա պետք է արվի ամենից առաջ 2 բանի համար. առաջին` կարիք կա ունենալու հանքային մարմինը ներկայացնող նմուշներ ամբողջացնելու յուրահատուկ մետալուրգիական անալիզ` հասկանալու ոսկու ծագումը եւ բիո-լուծազատման գործընթացը եւ երկրորդ` արդյունավետ հանքարդյունաբերման պլան եւ գործընթաց ստեղծելու համար կարիք կա իմանալ հաստատված պաշարների չափը, երակների սիստեմը: Այս պրոցեսը կտեւի 2 տարի: Այս դեպքում դու կունենաս հանք, որը շահավետ կլինի ներդրողների, աշխատողների եւ պետության համար: Ոսկու արտադրությունն առավելագույնի կհասնի, իսկ բնապահպանական վնասը` նվազագույնի»,- ասում է հանքավայրերի գնահատմամբ զբաղվող մի փորձագետը:

Ի՞նչ կլինի գարնանը` պարզ չի

Ասում է «Դինո Գոլդ Մայնինգ Քամփնի» ընկերության գլխավոր տնօրենը«Դինո Գոլդ Մայնինգ Քամփնի» ՓԲԸ (Կապանի նախկին լեռնահարստացման կոմբինատ) գլխավոր տնօրեն Ռոբերտ Ֆալետան, ամփոփելով անցնող տարին, նշել է, որ տարեսկզբին ձեռնարկության որդեգրած ուղղությունը թույլ կտար, որպեսզի կոմբինատը աշխատեր շահույթով, ու բավականին փոփոխություններ կբերեր: «Մենք ավելացնում էինք մեր արտադրական ծավալները, ու հատկապես մեր աշխատակիցներն ավելի լավ կիմանան, թե ինչ նվաճումներ ենք ունեցել:

Սակայն տնտեսական ճգնաժամը փոխեց բոլոր ծրագրերն ու այն դրական ուղղությունները, որոնք որդեգրել էր մեր ընկերությունը; Մինչ օրս աշխարհում տնտեսական անկում է արձանագրվում: Մնում է միայն հուսալ, որ այս իրավիճակը երկար չի տեւի, ու ամեն ինչ հունի մեջ կընկնի: Ես ուզում եմ բոլոր կապանցիներին շնորհավորել Ամանորի կապակցությամբ ու ցանկանալ առողջություն»,- ասաց Ռ. Ֆալետան լրագրողների հետ հանդիպմանը: Ընկերության ղեկավարը պատասխանեց նաեւ լրագրողների հարցերին: Ի՞նչ է լինելու 3 ամիս անց, նորից կրճատումնե՞ր են սպասվում: Ճշմարտությունն այն է, որ ոչ մեկը չի կարող ասել` ինչ է լինելու եկող տարի: Ու եթե աշխարհի տնտեսական իրավիճակը չփոխվի, կարող է ձեռնարկության վերագործարկումը ուշանա: Բայց մենք ունենք այդ ուղղությամբ ծրագրեր ու աշխատում ենք: Հուսանք նաեւ, որ տարբեր երկրների կառավարությունները աշխատում են, ու սա դրական ելք կունենա: Մեր ունեցած տեղեկություններով` «Դանդի Փրեշզ Մեթըլզի» (Dundee Precious Metal) վիճակը լավ չէ, ու նախատեսվում է այս ընկերության վաճառքը: Ես` որպես «Դինո Գոլդ Մայնինգ Քամփնի»-ի գլխավոր տնօրեն, առաջին անգամ եմ լսում այդ մասին: Եթե այդպիսի բան լիներ, առաջինը ես կիմանայի: Այս պահի դրությամբ նման բան չկա:Նոյեմբերի սկզբին, երբ ձեռնարկության աշխատակիցները գործադուլ էին հայտարարել, բանակցություններ սկսվեցին կառավարության անդամների հետ: Վերջիններս հետաքրքվեցին ձեռնարկության կողմից իրականացվող սոցիալական ծրագրերով: Ճիշտն ասած` չեմ պատկերացնում, թե սոցիալական փաթեթ ասելով ինչ նկատի ունեք, բայց մենք համայնքի համար գործեր արել ենք: Ֆինանսական աջակցություն ենք ցույց տվել տարբեր հասարակական կառույցների, «Կապան» հիմնադրամին, աջակցել ենք փոքր եւ միջին բիզնեսի զարգացմանը: Ինչ վերաբերում է կառավարության հետ աշխատանքին, ապա բարիդրացիական հարաբերություններ են: Հենց այդ բանակցությունների շնորհիվ է, որ ձեռնարկությունը դեռ աշխատում է, չնայած մի մասը հարկադիր պարապուրդում են: Կարող եմ նաեւ ասել, որ մենք շարունակում ենք բանակցել կառավարության անդամների հետ:Ձեռնարկությունը այսօր քանի՞ տոկոսով է աշխատում, ու հանքանյութ արտահանվո՞ւմ է: Աշխատակիցների 60%-ը հարկադիր պարապուրդի մեջ է, 35%-ն է աշխատում: Հանքանյութ չենք արտահանում, ֆաբրիկան ու հանքը կանգնեցրել ենք: Պարզապես այդ աշխատակիցները գալիս են ձեռնարկություն, զբաղվում են բարելավման աշխատանքներով: Այսինքն` ուսումնական ծրագրերով, երբ սկսենք աշխատել, ապա նրանք ավելի օպերատիվ կլինեն: Հիշեցնեմ, որ հարկադիր պարապուրդի ուղարկվածները կաշխատեն փոխարինաբար: Այսինքն` եթե նույն մասնագիտությամբ մեկ աշխատակից ուղարկվել է մեկ ամիս հարկադիր պարապուրդի, իսկ նրա գործընկերն աշխատում է, մյուս ամիս այդ աշխատողին է տրվելու հարկադիր պարապուրդ: Ինչ վերաբերում է արտասահմանցի աշխատակիցներին, ապա նրանք այլեւս չեն աշխատում ու մեկնել են: Առայժմ աշխատանքը շարունակում են նրանք, ում անհրաժեշտությունը խիստ զգացվում է:

«Արմենիան Քափըր Փրոգրամ» ՓԲԸ-ի տնօրեն Վալերի Մեջլումյանը եւ Ալավերդու քաղաքապետարանը Ալավերդու գեղագիտական նկարագիրը ամբողջացնելու նպատակով 2007թ. ապրիլի 7-ից մայիսի 9-ը Ալավերդիում կազմակերպել էին քանդակագործական աշխատանքների սիմպոզիում, որին մասնակցել են 11 քանդակագործներ: Սիմպոզիումի գաղափարը գովելի է, եւ դրա կարեւորությունը Ալավերդիում որեւէ մեկը այսօր էլ չի վիճարկում:

Սակայն թե կյանքի կոչված 11 քանդակներից ո՞րն էր հաջողվածն ու անհաջողը, եւ արվեստագետի ի՞նչ բացահայտումներ են դրանք, ալավերդցիներին սիմպոզիումից հետո մասնագիտական որեւէ տեղեկատվություն չի տրվել: Ավելին, սիմպոզիումի ավարտից հետո քանդակները Ալավերդու քաղաքապետարանը անտարբեր ձեւով սփռել է քաղաքի թաղամասերում` առանց տեղանքներին հարմարեցնելու: Քանդակների հեղինակները համաձայնե՞լ են դրան, թե՞ ոչ` ալավերդցիներին հայտնի չէ: Հայտնին մեկն է` քանդակներից մեկը պատուհաս է դարձել քաղաքապետարանի եւ բնակիչների գլխին, որի շուրջ տեղադրման օրվանից սկսված տխուր պատմությունը Ալավերդիում այսօր նոր բովանդակություն է ստացել: Չգիտես ինչ նկատառումով` քաղաքապետարանը Փիրուզյան թաղամասում տեղադրել է սիմպոզիումին Սանկտ-Պետերբուրգից ժամանած հայ քանդակագործ Ցոլակ Սիմոնյանի «Դիմակ» քանդակը: Առաջին օրվանից քանդակը դառնում է բնակիչների «աչքի փուշը»: Կարճ ժամանակ անց բնակիչները համառորեն պահանջում են քաղաքապետարանից «նավսոտ քարը» հանել իրենց թաղամասից: Իսկ մեկ ամիս առաջ քանդակը հեռացնելու իրենց պահանջը բնակիչները հիմնավորում էին շատ տխուր փաստարկով` 2008թ. ընթացքում թաղամասում տարբեր պատճառներով մահացել են 8 երիտասարդ բնակիչներ, եւ դրա համար նրանք համառորեն մեղադրում էին «նավսոտ քանդակին»: Քանդակը թաղամասից արագ հեռացնելու համար բնակիչները բողոքի ակցիա կազմակերպեցին, որից հետո նրանց ճնշմամբ Ալավերդու քաղաքապետ Արթուր Նալբանդյանը խոստացավ եւ արագ հանեց «ատելի» քանդակը: Քանդակից ազատվելու համար թաղամասի տարեցները քանդակի դատարկ տեղում մատաղ արեցին եւ ուրախության սեղաններ գցեցին: Քանդակն այժմ բերանքսնիվայր ընկած է այնտեղ, որտեղ ծնվել է` «Արմենիան Քափըր Փրոգրամ» ընկերության այն տարածքում, որտեղ անց է կացվել քանդակագործների սիմպոզիումը: Սակայն տխուր պատմությունը սրանով չի ավարտվում: Այժմ էլ «Արմենիան Քափըր Փրոգրամ» ընկերության աշխատանքից կրճատված բանվորներն են իրենց գործազրկության համար «մեղադրում քանդակին». «Եթե «նավսոտ» այդ քանդակը չտեղափոխեին ընկերության տարածք, ընկերության գործերը չէին վատանա, մենք էլ աշխատանք կունենայինք»,- ճոպանուղով անցուդարձ անելիս կեսկատակ ասում են նրանք: Քանդակի տխուր ճակատագրի եւ բնակիչների կողմից այն չընդունելու կապակցությամբ Ալավերդու պատկերասրահի տնօրեն Ռաֆիկ Ջավախյանն ասաց. «Քանդակը պետք է տեղադրվի քանդակագործի եւ քաղաքի ճարտարապետի համագործակցությամբ: Սիմպոզիումի քանդակները պուրակների համար նախատեսված քանդակներ են: Կոնկրետ քանդակագործ Ցոլակ Սիմոնյանի «Դիմակ» քանդակի տեղադրման տեղը ճիշտ չեն ընտրել: Եթե դա տեղադրվեր մշակույթի պալատի բակում, կամ մի այգում, այդպես չէր ընդունվի, քանդակի էությունը բնակիչները չեն հասկացել: Քանդակի հեղինակ Ցոլակ Սիմոնյանը ճանապարհ անցած քանդակագործ է»: Իսկ լքված քանդակը շարունակում է արժանանալ ալավերդցիների նախատինքին:

«Վալլեքս գրուպը» ամփոփել է տնտեսական ճգնաժամի հետեւանքները

Դեկտեմբերի 28-ին Ալավերդու տեղական «Անկյուն +3» հեռուստաընկերության ուղիղ եթերում «Վալլեքս» խմբի գլխավոր տնօրեն Վալերի Մեջլումյանը, «ԷյՍիՓի» ընկերության տնօրեն Գագիկ Արզումանյանը եւ «Բեյզ Մեթըլս» ընկերության տնօրեն Արթուր Մկրտումյանը, շնորհավորելով ալավերդցիների Նոր տարին, միաժամանակ բնակչությանը տեղեկացրեցին միջազգային տնտեսական ճգնաժամի հետեւանքով «Վալլեքս» խմբի ընկերություններում ստեղծված ներկա իրավիճակին եւ իրենց առաջիկա անելիքներին:

«Առաջին հերթին Հայաստանում ճգնաժամից տուժեցին այն ընկերությունները, որոնք ուղղակի կապ ունեին միջազգային բորսաների գների հետ: Դժբախտաբար, մեր «Վալլեքս» խմբի ընկերությունների ողջ գործունեությունը հիմնված է այդ աղբյուրների վրա, պղինձը, պղնձի խտանյութը կամ ոսկի պարունակող խտանյութերը վաճառվում են զուտ միջազգային բորսաների գներով, եւ գների կտրուկ անկումից հետո մեր շահույթները նույնպես կտրուկ ընկան: Առաջին հերթին դա կապված Է «Բեյզ Մեթըլս» ընկերության հետ, երկրորդը, ինչպես գիտեք, մեր ամենաառաջատար մեծ ծրագիրը` Թեղուտի պղնձամոլիբդենային կոմբինատի կառուցումը, նույնպես հիմնվում էր ֆինանսական ինստիտուտների կողմից տրամադրվելիք վարկի հետ, կոնկրետ ասած` Ռուսաստանի Դաշնության ՎՏԲ բանկի հետ ստորագրած վարկային գծով: Դուրս եկավ, որ մեր ամենախոշոր երկու բիզնեսները կորուստ կրեցին այս ճգնաժամի արդյունքում: Իսկ այն հայկական ընկերությունները, որոնք աշխատում են Հայաստանի ներքին շուկայում, առաջին կես տարում այսպիսի կտրուկ ազդեցություն չունեցան իրենց աշխատանքի վրա, սակայն, դժբախտաբար, մեկ կամ երկու եռամսյակից հետո հավանական կլինի, որ նրանք նույնպես իրենց վրա զգան ճգնաժամի արդյունքները»,- ասաց Վալերի Մեջլումյանը: «ԷյՍիՓի» ընկերության գլխավոր տնօրեն Գագիկ Արզումանյանն էլ հայտնեց, որ անցած մեկ, մեկուկես ամսվա ընթացքում միջազգային շուկաներում շարունակվում է գունավոր մետաղների գների անկումը, եւ դա վերաբերում է հատկապես պղնձին: Ներկայումս 1 տոննայի համար այն կազմում է 2700- 2800 ԱՄՆ դոլար, երբ 4-5 ամիս առաջ մոտեցել էր մոտ 9 հազար դոլարին: Եկող տարվա կանխատեսումները նույնպես լավատեսական չեն: Կան ենթադրություններ, որ եկող տարվա մեջ գինը կարող է հասնել մինչեւ 2-2,5 հազար դոլար: Թեղուտի ֆինանսավորման ծրագրերի մասին Գագիկ Արզումանյանը հայտնեց. «Մեր հիմնական գործընկերոջ` ՎՏԲ բանկի հետ քննարկումները մինչ այժմ շարունակվում են, ես չեմ կարող ասել, որ մենք հստակ ակնկալիք ունենք, որ մեկ-երկու ամիս հետո կունենանք ֆինանսավորում, այնուամենայնիվ, բանկի հետ դեռեւս բանակցություններն ընթանում են, հույս ունենք, որ մոտ ապագայում կարող ենք որոշակիորեն ասել` երբ եւ որքան գումար կհատկացվի Թեղուտի ծրագրի իրականացմանը: Այս պահին ծրագրի ֆինանսավորումը իրականացվում է ամբողջությամբ ներքին ռեսուրսների հաշվին»: «Բեյզ Մեթըլս» ընկերության տնօրեն Արթուր Մկրտումյանն էլ ասաց. «Եթե մենք 2007թ.-ին ունեինք 320 հազար տոննա հանքաքարի արդյունահանում եւ վերամշակման ցուցանիշ, այս տարի հաջողվեց այդ թիվը հասցնել մոտ 350 հազար տոննայի»: Ըստ Մկրտումյանի` գների անկումը, այնուամենայնիվ, մեծ վնաս է հասցրել ընկերության ֆինանսական ցուցանիշներին: «Այսօր մենք, փառք Աստծո, աշխատելու մի փոքր պաշար ունենք` ի հաշիվ մեր խտանյութի մեջ ոսկու մեծ պարունակության»,- ասաց նա: Արթուր Մկրտումյանը նաեւ հայտնեց, որ Ալավերդու հանքի եւ ֆաբրիկայի մոտ 150 կրճատված բանվորների առաջարկել են աշխատել «Բեյզ Մեթըլս»-ում, սակայն այս պահի դրությամբ Ալավերդու հանքի եւ ֆաբրիկայի շուրջ 90 կրճատված բանվորներ են տեղափոխվել եւ աշխատում են ընկերությունում: Ալավերդցիների թիվը «Բեյզ Մեթըլս»-ում տատանվում է 250-ի շրջանակներում: «Նրանք բարձր մասնագիտական հմտություններ ունեցող աշխատակիցներ են, բարձր վարձատրվող, մեր հաշվարկներով` վերջին տարիներին մեր կողմից վճարված աշխատավարձի մուտքերը Ալավերդու ընտանիքներ կազմել է մոտ 30 մլն դրամ»,- ասաց Արթուր Մկրտումյանը: Եթերում Վալերի Մեջլումյանը ալավերդցիներին տեղեկացրեց նաեւ Ալավերդու պղնձաձուլական գործարանի հետագա ճակատագրի մասին. «Թեղուտի շինաշխատանքների ծավալների մեծացման հետ ծրագրեր էինք կապել Ալավերդու պղնձաձուլարանի աշխատանքները դադարեցնել, դրա փոխարեն Ալավերդիում աշխատելու էր միայն պողպատի ձուլման փոքր արտադրամաս, իսկ աշխատողների մեծ մասը` մի քանի հարյուր հոգի, քայլ առ քայլ կամ պետք է տեղափոխվեր աշխատելու Թեղուտում, կամ Ալավերդիում աշխատելու էին այն օժանդակ արտադրամասերում, որոնք առաջիկա 3-4 տարիներին մատակարարելու էին Թեղուտի շինարարությանը: Դժբախտաբար, ֆինանսավորման դադարեցման հետ կապված` Թեղուտում շինարարությունը մեր նախատեսած թափը չստացավ, այդ պատճառով որոշեցինք անել ամեն ինչ, որպեսզի շարունակենք կոմբինատի աշխատանքը մեկ եռամսյակ եւս, այդ ժամանակահատվածում սպասում ենք, որ կլուծվի Թեղուտի ֆինանսավորման նորմալ վիճակը, եւ մենք հնարավորություն կունենանք Ալավերդու մեր աշխատողների մեծ մասին հնարավորություն տալ աշխատելու «Թեղուտ» ընկերությունում»,- ասաց Վ. Մեջլումյանը:

Միջազգային ճգնաժամը Զանգեզուրի պղնձամոլիբդենային կոմբինատում

[ 05 Հունվարի 2009 15:43 ] մարզեր, տնտեսություն

Չնայած Զանգեզուրի պղնձամոլեբդինային կոմբինատի գլխավոր տնօրեն Մաքսիմ Հակոբյանը բազմիցս հայտարարել է, որ ամեն ինչ անելու են, որպեսզի ֆինանսական ճգնաժամը իր ազդեցությունը չթողնի կոմբինատի վրա, այնուամենայնիվ, ըստ կոմբինատի աշխատակիցների, աշխատավարձի կրճատում արդեն կա: «Ամեն տարի տարեվերջին պարգեւատրում էինք ստանում, այս տարի չստացանք, ավելին, աշխատավարձերն իջեցվել են 25-30 հազարի դրամի սահմաններում»,- ասացին կոմբինատի աշխատակիցները մեզ հետ ունեցած զրույցում` բնականաբար չցնակնալաով ներկայանալ: «ՄԵնք չենք ուզում կորցնել մեր աշխատատեղերն ու զրկվել ամեն ինչից, բայց իրականությունը սա է»,-ասացին նրանք:

Дорогие Единомышленники!!!
Поздравляю С новым Годом и Рождеством

Пусть финансовый кризис охватит все антиЭкологические начинания. Пусть Природа вздохнет облегченно. И мы обретем заслуженный отдых на долгое время . ПУСТЬ этот кризис повлеяет на разум человека и изменит его образ мышления и последующее развитие человечества будет В ГАРМОНИИ С ПРИРОДОЙ...

До Будет Свет





Hargeli Bnaserner!!!
Shnorhavor Nor Tarin ev Surb Tsnunde~

Togh vor finansakan chgnajame thapanci bolor hakaЕkologiakan volortnere. Bnutyune tetev shunch qashi menq el ir het miasin: Guce Chgnavori pes aprelov `mardkutyune haskana, vor chpetq e hakarak gnal bnutyan ОRENQNERIN, ayl hakarake` ir apagan kerti pahpanelov BNUTYUNE ev nerdashnakvelov BNUTYAN het~

~Bari Hogevor Tari~