«Էրեխեք ջան, ես ռիկշայով դիմացից կգնամ, դուք էլ շարքով հետեւից եկեք, երթեւեկության կանոնները չխախտեք, մենք էլ սովորական փոխադրամիջոցների պես», փորձառու հեծանվորդներին հիշեցնում, նորեկներին էլ տեղեկացնում է Սամվելը, նստում իր իսկ պատրաստած ռիկշա հեծանիվն, ու Մատենադարանի դիմացից We are the chanpions երգի հնչյունների ու հեծանիվների ազդականչերի ներքո ընկնում են ճանապարհ:

Ավելի քան 25 հեծանվորդներ «Էկոդար», «Հեծանիվ +» ՀԿ-ներից, Թեղուտի պաշտպանության շարժումից եւ բնապահպան քաղաքացիներ երկու ժամ տեւած հեծանվարշավի ընթացքում որպես աշխարհում ամենամեծ արտանետումներն ունեցող երկրներ ԱՄՆ-ի, Հնդկաստանի եւ Չինաստանի դեսպանատների մոտով անցնելով իրենց կոչերը հնչեցրին եւ փորձեցին պաստառներ թողնել դեսպանատներում:

Հեծանվորդները հասցնում էին փողոցներում թռուցիկներ էլ բաժանել «Տարեկան մթնոլորտ արտանետվող միլիոնավոր տոննա գազերը, անտառահատումները եւ մարդու այլ անհեռատես գործունեություններն առաջացնում են ջերմոցային էֆեկտ, որի հետեւանքով մոլորակի ջերմաստիճանը աճում է, հալվում են բեւեռային սառույցները, փոխվում է մոլորակի գրեթե բոլոր տարածաշրջանների կլիման...» բովանդակությամբ եւ ակտիվանալու, առողջ միջավայր ունենալու պահանջատեր դառնալու կոչերով:

Երթի վերջին կանգառը Սիրահարների զբոսայգին էր, որտեղ մասնակիցները Հայաստանում մոտ 2 տարի ապրող բրիտանացի հեծանվորդ Թոմ Ալենի տեսախցիկի առջեւ էլ իրենց բնապահպանական մտահոգություններն արտահայտեցին եւ կոչերն ուղարկեցին Կոպենհագեն` դեկտեմբերի 7-ից այնտեղ մեկնարկող եւ աշխարհի մոտ 190 երկրների ներկայացուցիչների մասնակցությամբ կայանալիք ՄԱԿ-ի` Գլոբալ տաքացման հիմնախնդիրներին նվիրված 15-րդ կոնֆերանսին: Թոմն այս ակցիայի մասին 15 րոպեանոց ֆիլմ է պատրաստելու եւ հայ բնապահպանական շարժման մասնակիցների կարծիքներն ուղարկի Կոպենհագեն, Դանիա: Ավելի քան 50 երկրներից ստացված ֆիլմերը հնարավոր կլինի տեսնել www.rideplanetearth.org կայքում:

Բնասեր եւ բնապահպան-ակտիվիստ Մարիամ Սուխուդյանն ասում է, որ Հայաստանը միանալով գլոբալ տաքացման դեմ պայքարին եւ մեծ տերություններին կոչ անելով քչացնել արտանետումները, պետք է սկսի մարդկանց մեջ տարրական բնապահպանական մշակույթ զարգացնել. «Երբ մարդը չի մտածում` ինքն ի՞նչ է ուտում, ի՞նչ է շնչում, իր մարմինը բալանսից դուրս է գալիս... Բացի հեծանվաարշավներով ակտիվ կենսակերպ քարոզելուց, մենք ընտրում ենք բուսակերությունը` երկրագնդին չվնասելով եւ ավելի ներդաշնակ ապրելով»:

Սամվել Հովհաննիսյանը , որ «Հեծանիվ +» ՀԿ-ի հիմնադիր-նախագահն է, կազմակերպելով հեծանիվ քշելու անվճար դասեր, հույս ունի, որ մեր երկրում կշատանա հեծանվորդների թիվը, եւ հեծանվորդների մեծ բանակով հեծանվային երթուղիներ ունենալու համար պայքարն ավելի արդյունավետ կլինի:

Տիգրան Կուչատյանը եւս բնապահպանական ակտիվիստ է եւ ցանկանում է, որ գոնե նոր մայրուղիներ կառուցելիս հաշվի առնեն հեծանվորդներին. «Ես շատ մարդկանց եմ ճանաչում, որ տանը հեծանիվ ունեն, բայց չեն քշում, վախենում են: Իրոք վտանգավոր է, մենք քշելով մեծ ռիսկի ենք դիմում, մանավանդ որ հեծանվային ճանապարհներ չկան, իսկ մարդիկ, հիմնականում ավտոմեքենաների վարորդները հեծանիվները որպես փոխադրամիջոց չեն ընկալում: Իմ առաջին կոչն այն է, որ հեծանվային ճանապարհները շատ լինեն քաղաքում»:

Հարց է ծագում, թե արդյո՞ք հեծանվային ճանապարհների համար Հայաստանը հասուն է:

Սակայն եթե Հայաստանում պետական քաղաքականությունը տնտեսական ներդրումները զարգացնելուն է միտված, իսկ բնապահպանական խնդիրների բարձրաձայնումը մի քանի բնապահպան, ակտիվ քաղաքացիների եւ հասարակական կազմակերպությունների ուսերին է բարդված, ապա ե՞րբ պիտի փոխվի «հայերն իրենց եվրոպացու տեղ են դրել, հեծանիվ են քշում» կարծրացած մտածելակերպը:

azg.am

Namak mer harazat barekam SERJ TANKYANIN

Մեր հարազատ հայրենակից

Մենք ցնցված ենք քո հայրենասեր գործունեությամբ, ամենուր ոգեշնչվում ենք մեզ քաջալերող, հանուն արդարության պայքարի մղող քո խորիմաստ ոգևորող երգերով:

Մեր բնապահպանական ակցիաների ժամանակ միշտ դու ներկա ես լինում , լինի շոգ ամառ, թե ցրտաշունչ ձմեռ: 

Հեծանվաերթերի ժամանակ քո պայքարի ձայն է հնչում մեր ռիկշայի միջից: 
Դու մեզ շունչ ես տալիս , մեզ հետ հավասար պայքարում ես հանուն բնապահպանական խնդիրների, հանուն մարդու ներդաշնակ կյանքի, հանուն մեր հողի բույրի, հանուն բարի արագիլի վերադարձի....

Մենք դիմում ենք քեզ , որպես ընկեր, որպես իր ուրույն տեղն զբացեղրած մեր հայրենակից:

Մենք մի քանի տարի է ինչ պայքարում ենք Հայաստանի բնության պահպանության համար, այսօր անխնա ոչնչացվում են մեր երկրի բնական թոքերն` անտառները, հանքարդյունաբերության տակ են դրվում լեռնաշղթաներ, կանաչ տարածքներ, բնակավայրեր, հայրենի երբեմնի բերրի հողը հագեցվում է ծանր մետաղներով, իսկ քաղցրահամ ջուրը արդեն վտանգ է ներկայացնում մարդու առողջությանը: 

Եթե այսպես շարունակվի ևս մի քանի տարի և Հայաստանը կդառնա մեծ հանքափոր, ուր աշխարհի տարբեր ծագերից մարդիկ հակագազերով և ճառագայթումից պաշտպանիչ հագուստներով կգան տեսնելու , ուսումնասիրելու
անոմալ երևույթներ, կենդանիներ , մարդկանց:

Մենք չենք ուզում այս կանխատեսումը իրագործվի:
Մենք երկիր մոլորակի զավակներն ենք, մենք մեր բաժին հողի պահապաններն ենք: 

Բայց այսօր այս բարոյապես արժեզրկված համակարգը կործանման է տանում:

Մեզ անհրաժեշտ է լիցք, խոսք, խրախուսանք, հավատ, լույս, ոգևորող ուժ, որը թափ կտա մարդկանց հոգիները, կարթնեցնի ապրելու բնազդը:

Ինչպես մարտի դաշտում անհրաժեշտ են հայրենասիրական երգեր, այնպես էլ այսօր Հայաստանին անհրաժեշտ են կենդանի հերոսներ և քո կենսատու երգերը:

Հուսանք մեկ օր կխաղաղվեն մեր հոգիները և կհանդարտվեն մեր պայքարները:

Ուժ տուր մեզ~

http://teghut.am
http://bikeplus.nor.am/

p.s. your comments needed

Թիվ 11 հատուկ դպրոցի քրեական գործը տեղափոխել են Երեւանի քննչական վարչություն

 

Նուբարաշենի թիվ 11 հատուկ դպրոցի շուրջ բարձրացած աղմուկից հետո հարուցված քրեական գործը Էրեբունու քննչական վարչությունից տեղափոխվել է Երեւան քաղաքի գլխավոր վարչություն: Այժմ քաղաքի գլխավոր դատախազն է վերահսկում գործի քննությունը: Հիշեցնենք, որ դեռեւս 2008 թվականին դպրոցի նախկին սաները լրատվամիջոցներով հայտնեցին, որ հայոց լեզվի եւ գրականության ուսուցիչ Լեւոն Ավագյանը սեռական ոտնձգություններ է կատարել իրենց նկատմամբ:

2009 թվականի փետրվարի 11-ին Էրեբունու քննչական վարչությունում հարուցվեց քրեական գործ, այնուհետեւ մեղադրանք առաջադրվեց, բայց ոչ թե ուսուցչի, այլ երիտասարդ ակտիվիստ Մարիամ Սուխուդյանի նկատմամբ, ում շնորհիվ հանրությանը հայտնի էր դարձել հատուկ դպրոցում աշակերտների նկատմամբ մտահոգիչ վերաբերմունքը:

Մարիամը մի խումբ երիտասարդների հետ ժամանակավոր ծրագիր էր իրականացրել դպրոցում, որի ընթացքում էլ նրան հայտնի էին դարձել աշակերտների նկատմամբ սեռական ոտնձգությունների մասին:

Մարիամ Սուխուդյանին մեղադրանք առաջադրելուց հետո նրա ընկերները, որոնք եւս ժամանակավոր աշխատել էին թիվ 11 դպրոցում, դիմեցին Հանրապետության նախագահին, ԱԺ նախագահին, վարչապետին, Գլխավոր դատախազին, Մարդու իրավունքների պաշտպանին, ինչպես նաեւ հանցագործության մասին հաղորդում ներկայացրեցին այն հիմքով, որ նախաքննական մարմինը խեղաթյուրված է ներկայացրել իրականությունը:

Իսկ Սուխուդյանի պաշտպան Նոնա Գալստյանը բողոք էր գրել Երեւան քաղաքի գլխավոր դատախազին, մի շարք միջնորդություններ էր ներկայացրել: Այս ամենի արդյունքում այժմ գործը քննվում է Երեւանի գլխավոր քննչական վարչությունում:

HETQ.AM

ООН вскоре может признать мясоедение преступлением против всего человечества!

Поддержите принятие этого решения, заполнив небольшую анкету в интернете.

7-18 декабря 2009 в Копенгагене будет проходить Конференция ООН по изменению климата ( the United Nations Climate Change Conference (COP 15)), где будут рассматриваться вопросы влияния разных факторов человеческой деятельности на процесс глобального потепления.

Уже общепринятым фактом является то, что мясная промышленность производит наибольший выброс СО2 в атмосферу, поэтому многие ученые и политики выступают об принятии соглашения на мировом уровне, как минимум о значительном сокращения мясной промышленности. А в лучшем варианте - переход всей планеты на вегетарианское питание.

Анкета небольшая, ее заполнение займет не более минуты.

Заполнять анкету можно на любом языке.

Чтобы ваш голос был засчитан, нужно пройти два окошка, а не только первое!

Важно!!! До конференции осталось всего 8 дней и нужно успеть набрать 100 000 голосов. Сейчас только немногим более 10 000. Поэтому, пожалуйста, расскажите всем друзьям и знакомым!

Заполнить анкету можно здесь:


http://fleischverbot.info/petition/

Հատված ծառերի լուսանկարները փոխանցվել են ոստիկանությանը

absuuuuuuuuuuuurdd…
hima el varkatse poxel en,
mek erexen er ed xextch tsaric vojlotum, mek alergyayi bun er, mek arevn er phakum,mek eritasardacnum er, hima el vor harevane tsar chbardzrana gyoz chdni ?! {ba erkrord tsare, en matghash nurb noratugh tsare? chancav exbayr, nor heqiath hyusi}

UJAS….
amoth nranc ovqer chpatjen SRIKANERIN!

«Հետքը» նոյեմբերի 27-ին տեղեկացրել էր, որ Մոլդովական 13 հասցեում ծառեր են հատվել: Այսօր Բնապահպանության նախարարության բնապահպանական պետական տեսչության պետ Ռոմիկ Մանգասարյանը «Հետքին» հայտնեց, որ հատված ծառերի մասին տեղեկությունն ու լուսանկարները փոխանցել են Նոր-Նորք համայնքի ոստիկանությանը: «Հաջորդ շաբաթ պարզ կլինի, թե ոստիկանությունն ինչ ընթացք է տվել»,- ասաց Մանգասարյանը

Հատվել են երկու ծառեր` հացենի եւ սալորենի: Բնապահպանական տեսչության պետի խոսքով` ծառերը հատել է տարածքի բնակիչներից մեկը, որպեսզի հարեւանները չկարողանան բարձրանալ դրանց վրա եւ տեսնեն իրենց տանը կատարվող իրադարձությունները: Արդյունքում տուժել է բնությունը:

ՄԱՄԼՈ ՀԱՂՈՐԴԱԳՐՈՒԹՅՈՒՆ

 Դարձիր այն հեղափոխությունը, որն կուզես տեսնել երկրում~~~

Մենք ընտրում ենք հեծանվային հեղափոխություն
 

Գլոբալ տաքացումն ամենամեծ վտանգն է, որ երբևէ սպառնացել է մարդկությանը: Այն ազդելու է մեզանից յուրաքանչյուրի և մեր ապագա երեխաների վրա: Երկուշաբթի, 2009թ. դեկտեմբերի 7-ին աշխարհի կառավարությունների, այդ թվում նաև Հայաստանի ներկայացուցիչները հանդիպելու են Կոպենհագենում (Դանիա)` որոշելու, թե ինչպես լուծել այս խնդիրը:

 

Ամբողջ աշխարհում, շրջակա միջավայրի պաշտպանությամբ մտահոգ մարդիկ այս օրը ակցիաներ են կազմակերպելու, նպատակ ունենալով հանրային ճնշում գործադրել իրենց կառավարությունների վրա, որպեսզի վերջիններս արմատական քայլեր ձեռնարկեն գլոբալ տաքացումը և կլիմայի փոփոխությունները կանխելու համար:

 

Կիրակի օրը, դեկտեմբերի 6-ին, Երևանը կմիանա աշխարհի մեծ քաղաքներին, ցույց տալու մեր կառավարությանն ու աշխարհի ղեկավարներին, որ հետևում ենք իրենց գործողություններին և պահանջատեր ենք:

 

Այս օրը, համաշխարհային ակցիայի շրջանակում, Հեծանիվ+ և Էկոդար ՀԿ-ները, Ride Earth -ը Թեղուտի պաշտպանության շարժումը և մի շարք բնապահպան ակտիվիստներ կազմակերպում են հեծանվաերթ Երևանի փողոցներում: Ակցիան նկարահանվելու է, ուղարկվելու է Կոպենհագենի հեծանվային ակտիվիստներին և ցուցադրվելու է կոնֆերանսի պատվիրակներին:

 Սկիզբը ժամը 13.00-ին Մատենադարանի մոտից: 

Տեղեկությունների համար զանգել 093-42-66-54 Սամվելին

ԵՐԵՎԱՆԻ ԾԱՌԵՐԸ ԿՏՐՈՒՄ ԵՆ, ԻՍԿ ԵՐԻՏԱՍԱՐԴՈՒԹՅՈՒՆԸ ՀԱՐՑՆՈՒՄ Է՝ ՈՐՏԵ՞Ղ Է ՄԵՐ ԱՐԺԱՆԱՊԱՏՎՈՒԹՅՈՒՆԸ

WWW.ECOLUR.ORG
Երեւանի կանաչ գոտիները կրկին հայտնել են հարվածի տակ: Նոյեմբերի վերջին օրերին ԷկոԼուրը միաժամանակ մի քանի ահազանգ ստացավ հասարակական կանաչ պարեկային խմբից այն մասին, որ տարբեր օբյեկտների տերեր ձեռնամուխ են եղել ծառերի հատմանը՝ իրենց համար տարածք ազատելով: 

Ահազանգ Մարիամ Սուխուդյանից. «Ուրբաթ ստացա ահազանգ մեր բակի բնապահպանական խմբի անդամ 11-ամյա Գայանեից: Սլացա դեպքի վայր, արդեն ուշ էր. երկու ծառ հատված էր: Նախարարության թեժ գիծը չէր աշխատում: Զանգեցի բնապահպանական տեսչություն, նրանք մարդ ուղարկեցին, թաղապետարանից մարդկանց կանչեցին: Նրանք հատված ծառերի տեսակը որոշեցին՝ շլորենի եւ հացենի, եւ արձանագրեցին դեպքը: Ընդ որում, քաղաքետարանի աշխատողը հրաժարվեց ստորագրել ակտը, նախարարության ներկայացուցիչներն ինձ խորհուրդ տվեցին ոստիկանություն գնալ, որպեսզի հնարավորություն ունենան գնալու այն մարդու տուն, ով կտրել էր ծառերը, եւ տուգանեն նրան»: (Տե''ս լուսանկարները): 

Մարիամ Սուխուդյանն օրինաչափ հարց է բարձրացնում՝ ինչու՞ տեսչության ներկայացուցիչները չտուգանեցին մեղավորին հենց դեպքի վայրում: 

Հաջորդ ահազանգը Արփինե Գալֆայանի կողմից է: «Ուրբաթ օրը՝ նոյեմբերի 28-ին, ժամը 17:30-ի մոտակայքում, Բաղրամյան պողոտայով անցնելիս ծուխ նկատեցի: Բաղրամյան 46-ի բակում ծառ էր այրվում: Մտա «Մաշա» խանութ և հարցրի, թե արդյոք իրենք գիտեն՝ ով է այրել այդ ծառը: Ասացին, որ իրենք տեղյակ չեն, թե ով է վառել, բայց իրենց աշխատողները ջրով փորձում են հանգցնել»: 

Արփինե Գալֆայանը նույնպես փորձել է թեժ գծով զանգել բնապահպանության նախարարություն, բայց ոչ ոք չի պատասխանել: 

Հաջորդ ահազանգը Մարի Աղաջանյանի եւ Հրայր Սավզյանի կողմից է: 

«Ուրբաթ օրը տանից դուրս եկա եւ աչքերիս չհավատացի: 3 բանվորներ փորձում էին արմատախիլ անել ծառը: Ես հարցրեցի՝ ի՞նչ եք անում: «Սրանք տեղափոխում ենք, տեղը 5 նորը պիտի տնկենք»,- ասացին»: Հարցուփորձը բերեց « Էլլադե» խանութի մոտ, որտեղ Մարիին մի կին ասաց. «Իմ ծառերն են, ինչ կուզենամ կանեմ… Տանում եմ՝ իմ բակում տնկեմ»:

Եւս մեկ ահազանգ հասարակական ակտիվիստ Արտեմիս Լեփեջյանից: «Կիրակի օրը տեսա, թե ինչպես Կոմիտաս փողոցում գտնվողի «Սաս» խանութի մոտ ծառ են կտրում: Ես ասացի, ինչպես չեք ամաչում: Նրանք չցանակացան վեճի բռնվել, բայց ծառն արդեն կտրել էին»: 

Երիտասարդական շարժման ակտիվիստները հարց են տալիս՝ մի՞թե մեզ մոտ պետք է տիրի ամենաթողությունը: «Խանութներին հսկայական տարածքներ են տրամադրվում, եւ տերերն անում են, ինչ ուզում են: Կուզենան, ծառը կկտրեն, կուզենան՝ կտնկեն: Ստացվում է, որ այս երկրում եթե դու գլուխդ կախ չես քայլում, ոչինչ չես նկատում, ապա դառնում ես դավաճան, իսկ եթե ուզում ես ինչ-որ մեկի օգնել կամ պաշտպանել օրենքը, ապա վատ պատմության մեջ ես ընկնում: Նման մոտեցումների շնորհիվ մեր քաղաքից ոչինչ չի մնացել բացի բետոնից: Որտե՞ղ է մեր արժանապատվությունը, որտե՞ղ»: