Հայաստանն ու հայ ժողովուրդը դարեր շարունակ ձգտում են մերձենալ եվրոպական արժեքներին և մաս կազմել եվրոպական ընտանիքին:

Եվրոպայի օրը մենք ցանկանում ենք հիշեցնել, որ այս երկրները երբեք չէին կարողանա հասնել նման մշակութային զարգացման ու սոցիալական բարեկեցության, առանց բնության ու մարդկային օրենքների նկատմամբ հարգանքի:

Այսօր բնության և շրջակա միջավայրի պաշտպանության հարցերում Եվրոպան առաջատարներից է աշխարհում, պայքարում է համաշխարհային տաքացումը կանխելու համար, և բնապահպանական նորմերի նկատմամբ հարգանքն ու դրանց պահպանումը յուրաքանչյուր ոլորտի գործունեության պարտադիր նախապայմանն են:

Որտեղ էլ ապրենք, պիտի գիտակցենք, որ մասն ենք երկիր մոլորակի. բնությունը, օդը, ջուրը, հողը, սահմաններ չեն ճանաչում:

Զգանք մեզ այս ամբողջության լիարժեք մասնիկը, անսահման սիրով ու հարգանքով հոգ տանենք մեզ շրջապատող, մեզ կյանք տվող բնության նկատմամբ: