Այս օրերին, երբ բենզինի գինը բարձրացել է, երիտասարդ բնապահպաններն առաջարկում են օգտվել Հայաստանի համար բոլորովին նոր փոխադրամիջոցից՝ ռիկշա հեծանիվից:
Առաջին ռիկշան ստեղծվել է ՚ՀՎԶՙ հեծանիվների արհեստանոցում: Հեծանվորդ Սամվելն այն միայնակ է ստեղծել: ՚Ամեն ամիս կարող եմ մեկ այսպիսի հեծանիվ ստեղծելՙ,- ասում է Սամվելը: Այս փոխադրամիջոցն ունի առջեւի եւ հետեւի լուսարձակներ, ձայնային ազդանշան, ձեռքերով եւ ոտքերով արգելակելու հարմարանք: ՚Եթե միայն վարորդը նստի ղեկին, ապա մոտ 35 կմ/ժ արագություն կարող է զարգացնելՙ,- ՚Ա1+ՙ-ին ասաց ռիկշայի ստեղծողը: Ըստ Սամվելի՝ այս փոխադրամիջոցը նաեւ կարելի է աշխատացնել արեւային էներգիայով աշխատող մարտկոցներով:
Փոխադրամիջոցն իր վառ գույներով անմիջապես գրավում է թե վարորդների, թե հետիոտների ուշադրությունը: Ըստ հեղինակների` մարդիկ մոտենում, հարցնում են, թե ինչպես կարող են ձեռք բերել նման հեծանիվ: Վաճառքի համար այդպիսի հեծանիվներ առայժմ չկան:
Комментариев нет:
Отправить комментарий