խփնված ժամանակներ, խաբնված ծառեր,

Օդերեւութաբանների ու մեր համաքաղաքացիների գնահատմամբ` 2010 թվականի ձմեռն աննախադեպ է: Ձմռան կեսն անցել է առանց տեղումների: Այս ամիսների համար անսովոր բարձր ջերմաստիճանից Հայաստանի տարբեր մարզերում բնությունն արթնանում է, բողբոջել են ծառերը, խաղողագործներն էլ անհանգստանում են ուշ աշնանը թաղված խաղողի վազերի համար:

«Վերջին 25 տարիների ընթացքում այսպիսի ձմեռ արձանագրվել է երրորդ կամ չորրորդ անգամ»,- ասում է գյուղատնտեսության նախարարության հասարակայնության հետ կապերի վարչության պետ Վահագն Մարտիրոսյանն ու հավելում` գյուղատնտեսության նախարարությունը ոչինչ չի կարող անել, հայտնի չէ, թե եղանակը ինչ անակնկալ կմատուցի, ասենք, հաջորդ շաբաթ:

Ծառերը, որոնք արդեն հասցրել են բողբոջել եւ նույնիսկ ծաղկել, պարզ է` պտուղ չեն տա, նշում է Վահագն Մարտիրոսյանը, գյուղատնտեսության կրած վնասների մասին խոսելն էլ դեռ վաղ է համարում:

Դեկտեմբերին եւ հունվարի սկզբին դիտված բարձր ջերմաստիճանի պատճառով Մեղրիում, Օձունում եւ Բագրատաշենում առանձին ծառեր ծաղկել են, տեղեկացնում է Հայպետհիդրոմետի օպերատիվ հիդրոօդերեւութաբանության բաժնի պետ Զարուհի Պետրոսյանը: Նրա խոսքով` հունվարի 6 ից դիտված ջերմաստիճանի նվազումը որոշ չափով կասեցրեց վեգետացիան: Հետագա դիտարկումներն էլ ցույց կտան գյուղատնտեսության կրած իրական վնասների պատկերը:

Առաջիկա հինգ օրերին տեղումներ չեն սպասվում, ջերմաստիճանի փոփոխություն` նույնպես, կանխատեսում են օդերեւութաբանները։

http://ecolur.org/hy/news/