Ցուցահանդեսը կազմակերպել է "Էկոդար" բնապահպանական հասարակական կազմակերպությունը:
16.30-ին նույն վայրում տեղի կունենա մամլո ասուլիս. բանախոսներ` ԱԺ պատգամավոր Զարուհի Փոստանջյան, տնտեսագետ Նիկիտա Զարոբյան:
Ցուցահանդեսում ներկայացված են Հայաստանի պոչամբարներն ու հանքերը, լուսանկարներին կից հակիրճ տեքստերից կտեղեկանաք դրանց վտանգավոր, կործանարար ազդեցության մասին:
Կտեսնեք, թե ինչպես են պոչամբարներից հոսող ջրերը թափվում գետերը`թունավորելով Արաքսը, Մեղրին, Ողջին, Դեբեդը և այլ գետեր:
Հայաստանում շուրջ երկու տասնյակ մեծ ու փոքր պոչամբարներ(հանքարդյունաբերական թունավոր թափոնատեղիներ) կան,որոնք մեծ վտանգ են ներկայացնում ինչպես մարդու առողջության, այնպես էլշրջակա բուսական, կենդանական աշխարհի համար, թունավորելով հողը, օդը,ջուրը:
Դուք ականատես կլինեք Հայաստանի Հանրապետության անկրկնելի էկոհամակարգիաստիճանական փլուզմանը:
Լուսանկարներում պատկերված կտեսնեք նաև Թեղուտի անտառը, որտեղ մեծ թափով շարունակվում են անտառահատումները և որին մոտ ապագայում սպառնում է պոչամբարի վերածվելու տխուր ճակատագիրը:Ցուցահանդեսը նպատակ ունի իրազեկել հասարակությանը հանքերից բխող էկոլոգիական լրջագույն խնդիրների վերաբերյալ:
Այն նաև պատկան մարմիններին ուղղված ահազանգ է, հանքերի շուրջ տիրող աղետալի իրավիճակին անհապաղ արձագանքելու, անհետաձգելի քայլեր ձեռնարկելու հասարակական պահանջ:
Մեր լռությունը հայրենի բնաշխարհի ողբերգական կործանմանը հանցակից դառնալու ճանապարհ է:
e-mail: hsavzyan@gmail.comհեռ. 093 080485
Комментариев нет:
Отправить комментарий