««Վալլեքս գրուպի» ծառատունկը PR ակցիա էր»

Թեղուտի պաշտպանության խմբի անդամներ Արփինեն ու Վարդանը նախորդ շաբաթ մասնակցել են Թեղուտի հանքավայրը շահագործող «Վալլեքս գրուպ» խմբի ընկերությունների կողմից Թեղուտում կազմակերպված ծառատունկին. «Դա PR ակցիա էր իրենց համար, ոչ թե բնապահպանական միջոցառում, ուսանողների մոտ ավելի շատ զվարճանալու տրամադրություն կար, իրար հարցնում էին, թե մեզ ինչու են այստեղ բերել»,- կարծում է Արփինե Գալաֆյանը:
Արփինե Գալաֆյանը ծառատունկին մասնակցել է «Փրկենք Թեղուտի անտառը» գրությամբ շապիկով: «Այնտեղ կային Լոռու երիտասարդների միության անդամներ, որոնք գոռում էին մեզ վրա, ասում էին` դուք ինչու եք նման գործ անում, դուք ծախված հ/կ-ներ եք, ուզում եք, որ մենք սոված մեռնենք: Այդ երիտասարդներն ակնհայտորեն «Վալլեքս գրուպի» հետ կապ ունեին: Վերջում էլ ասում են, թե այս քննարկումից հետո դուք ձեր շապիկները ձեր ձեռքով կճղեք: Իհարկե, այդպես չեղավ, մենք շապիկներ էինք տարել, շատ ուսանողներ վերցրեցին այդ շապիկները»,- պատմում է Արփինեն:

Երիտասարդներն այն տպավորությունն են ստացել, որ գյուղացիները ստիպված են համակերպվել Թեղուտի հանքի շահագործմանը, քանի որ գրեթե բոլոր ընտանիքներից գոնե մեկ անդամ աշխատում է հանքավայրում: «Գյուղացիներից շատերը աշխատավարձ ստանալու դիմաց համաձայն են անտառի ոչնչացմանը, իսկ Թեղուտ գնացած ուսանողները հիմնականում լեռնամետալուրգիական կամ բնական ռեսուրսների օգտագործման մասնագիտությամբ են սովորում, այնպես որ` հանքի շահագործումը ճիշտ են համարում»,- ասում է Արփինեն:

Թեղուտի պաշտպանության խմբի անդամները հարց են ուղղում ՀՀ կառավարությանը: «25 տարի անց, երբ «Վալլեքս գրուպը» շահագործի հանքը եւ գնա, ո՞վ է հետեւելու պոչամբարի անվտանգությանը, չէ որ դա հսկայական ծախսեր է պահանջում, պղինձը տարիների ընթացքում չի վերանում, թունավոր թափոնները մնալու են: Հսկայական գումարներ են անհրաժեշտ անվտանգությունն ապահովելու համար»:

«Նրանք իրենց շահն են հետապնդում, չեն մտածում, որ Հայաստանի ընդամենը 6 տոկոսն է անտառածածկ, որի 10 տոկոսը Թեղուտի անտառն է: Այդ անտառը կվերանա հանքի շահագործման արդյունքում, Թեղուտ գետի ջուրը հնարավոր չի լինի օգտագործել»,- ասում է Վարդան Հովհաննիսյանը:

Երիտասարդները մտահոգված են ոչ միայն Թեղուտի, այլեւ Հայաստանի մյուս տարածքների հանքավայրերի շահագործմամբ: «Ավելի լավ է՝ զարգացման այլ ճանապարհներ ընտրեն, գյուղատնտեսությունը զարգացնեն, որն ավելի կայուն է, իսկ հանքի շահագործումից հետո, մարդիկ կհեռանան այդ տարածքներից, գյուղերը կդատարկվեն, Հայաստանի սահմանները կվտանգվեն»,- ՀՀ կառավարությանը զգուշացնում է Արփինե Գալափյանը:

Teghutciner ....

ACP-i dzeragire!!

.anverj haverj kanach hingshabthi orere cheyinq dadarum karavarutyan shenqi dimac mer boxoqi dzayne bardzracnel Hanun kanach taratsnqeri, mer hogheri, bnutyan, hanun kyanqi u lineliutyan!!!

Teghut ART by Mariam Melkumyan

Teghute tanum en!!

Goghanum en mer harstutyune, AKEROV DAGAGH

Arajin kananc storagrutyune ynddem Teghuti antarneri vochnchacman?!

Angliaci champord Tom Allene miacel e Teghuti antarneri hamar payqarin!! nkarum e Film, vore taratselu e ashxarhov mek ir hetsanivov champordutyan jamanak!!!

Love Nature